سترہ کروڑ(17) کے بجٹ سے بنی فلم نے 440 کروڑ کما کر بالی وڈ انڈسٹری میں تہلکہ مچا دیا

17 کروڑ روپے کے بجٹ سے تیار کی گئی فلم نے 440 کروڑ روپے کماتے ہوئے فلمی دنیا میں تہلکہ مچا دیا۔ شاندار اداکاری اور منفرد کہانی کی بدولت یہ فلم نہ صرف بھارت بلکہ دنیا بھر میں مقبولیت حاصل کرنے میں کامیاب رہی۔

کم بجٹ کی فلموں میں نمایاں ہونے والی اس فلم کا نام ’اندھا دھن‘ ہے، جس نے کلاسک فلموں جیسے لگان اور شعلے کو بھی پیچھے چھوڑ دیا۔ فلم میں مرکزی کردار آیوشمان کھرانہ، رادھیکا آپٹے اور تبو نے ادا کیے، جبکہ اس کے ہدایتکار شری رام راگھون ہیں۔

کہانی سسپنس اور تھرل سے بھرپور ہے، جس نے ناظرین کو شروع سے آخر تک اپنے سحر میں جکڑے رکھا۔ زبردست اداکاری اور جاندار کہانی کی بدولت یہ فلم دنیا بھر میں بالی ووڈ کی کامیاب ترین فلموں میں شامل ہو گئی۔

رپورٹس کے مطابق، یہ فلم بالی ووڈ کی دوسری سب سے زیادہ کمائی کرنے والی فلم بن چکی ہے۔ اس کی مقبولیت کے پیش نظر جنوبی بھارت میں بھی اس کا ریمیک بنایا گیا، جس میں تلگو زبان میں "مائسٹر" اور ملیالم زبان میں "بھرمم" شامل ہیں۔

آیوشمان کھرانہ معیاری اور کم بجٹ کی فلموں کے حوالے سے جانے جاتے ہیں، اور ان کی فلمیں باکس آفس پر غیر معمولی کامیابی حاصل کرتی ہیں۔ اندھا دھن ان کے کیریئر کی ایک بہترین مثال ہے۔