گھریلو ملازمہ گھر سے 20 لاکھ روپے اور 20 تولے سونا لے کر فرار
FEATUREDخبریں
لاہور (ویب ڈیسک) تھانہ ڈیفنس بی کے علاقے میں گھریلو ملازمہ نے چوری کی واردات کرتے ہوئے گھر کا صفایا کر دیا۔ پولیس کے مطابق ملزمہ ہما، جو ندیم ضیا نامی شہری کے گھر میں کام کرتی تھی، موقع کا فائدہ اٹھاتے ہوئے 20 لاکھ روپے نقد اور 20 تولے سونا چرا کر فرار ہوگئی۔
پولیس کا کہنا ہے کہ مالک مکان کی درخواست پر مقدمہ درج کر لیا گیا ہے اور ملزمہ کی تلاش جاری ہے۔ پولیس مزید تفتیش کر رہی ہے تاکہ ملزمہ کو جلد گرفتار کیا جا سکے اور لوٹا گیا مال برآمد ہو سکے۔