عمران اشرف بھارتی اداکارہ تمنا بھاٹیہ کے ساتھ کام کرنے کے خواہش مند
انٹرٹینمٹ/شوبزوائرل
عمران اشرف بھارتی اداکارہ تمنا بھاٹیہ کے ساتھ کام کرنے کے خواہش مند
پاکستان کے مشہور اداکار اور "مذاق رات" کے میزبان عمران اشرف نے بھارتی اداکارہ تمنا بھاٹیہ کے ساتھ کام کرنے کی خواہش کا اظہار کیا ہے۔
دنیا نیوز کے مزاحیہ پروگرام میں مداح کے سوال کا جواب دیتے ہوئے عمران اشرف نے بتایا کہ وہ نہ صرف پاکستانی اداکارہ صبا قمر کے ساتھ کام کرنے کی خواہش رکھتے ہیں بلکہ بھارتی اداکارہ تمنا بھاٹیہ کے ساتھ بھی اپنی اگلی فلم یا ڈرامے میں کام کرنا چاہتے ہیں۔
پروگرام کے دوران، ایک مداح لڑکی نے عمران اشرف اور آغا مصطفیٰ حسن سے پوچھا کہ وہ کس اداکارہ کے ساتھ اگلے پروجیکٹ میں کام کرنا چاہیں گے؟ عمران اشرف نے کہا کہ صبا قمر کے ساتھ کام کرنا ان کے لیے خوشی کی بات ہوگی کیونکہ وہ ان کی پسندیدہ اداکارہ ہیں، تاہم، انہوں نے تمنا بھاٹیہ کا نام لے کر یہ بھی واضح کیا کہ ان کا خواب ہے کہ وہ ان کے ساتھ کسی پروجیکٹ میں کام کریں۔
مداحوں نے عمران اشرف کی اس خواہش کو سراہا اور ان کے لیے تالیاں بجائیں، جس پر انہوں نے مزید کہا کہ یہ ان کی حقیقی خواہش ہے۔
یاد رہے کہ تمنا بھاٹیہ بھارتی فلم انڈسٹری کی معروف اداکارہ ہیں جنہوں نے بالی ووڈ کے ساتھ ساتھ تامل، تیلگو اور ملیالم فلموں میں بھی اپنے اداکاری کے جوہر دکھائے ہیں۔ عمران اشرف پاکستان کے مقبول اداکار ہیں اور اپنی بےمثال اداکاری کی بدولت خاص طور پر ڈرامہ "رانجھا رانجھا کردی" میں "بھولے" کے کردار کے لیے شہرت رکھتے ہیں۔