ججز نالائق ہیں، وکلاء کو لائق بننا چاہیےجسٹس محسن اختر کیانی کے زمین منتقلی کیس میں سخت ریمارکس

اسلام آباد (ملکی سٹوری آن لائن) اسلام آباد ہائی کورٹ کے جسٹس محسن اختر کیانی نے کیسوں کے التواء اور بروقت فیصلے نہ ہونے پر شدید ریمارکس دیے ہیں۔

نجی ٹی وی چینل "ایکسپریس نیوز" کے مطابق، اسلام آباد کے علاقے کرپا میں 10 کنال 16 مرلے زمین سے متعلق کیس کی سماعت کے دوران جسٹس محسن اختر کیانی نے کہا کہ ایک کیس جسے ایک گھنٹے میں نمٹایا جا سکتا تھا، ججز نے اس میں 10 سال لگا دیے۔

انہوں نے مزید کہا کہ "ججز یہاں پر نالائق ہیں، وکلاء تو نالائق نہ بنیں۔ ہم سے پہلے بھی بڑے جج گزرے ہیں لیکن زیر التواء کیسز کا مسئلہ حل نہیں ہو سکا۔ عوام کا کیا قصور ہے؟ ایک کیس میں 10 سال لگے اور 150 سے زائد پیشیاں ہوئیں، جس سے عدالت اور عوام کا وقت ضائع ہوا۔"

اس کیس میں کرپا اسلام آباد میں 10 کنال 16 مرلے زمین کے انتقال کی درستگی کا معاملہ زیر سماعت تھا۔ اس کیس کو ایڈیشنل جج محمد شبیر بھٹی اور جج ہمایوں دلاور بھی سن چکے ہیں۔ جسٹس محسن اختر کیانی نے اس کیس کا فیصلہ محفوظ کر لیا ہے۔