کراچی کے سرکاری کالجز میں سی سی ٹی وی کیمروں کی تنصیب کے احکامات جاری
وائرلخبریں
کراچی کے سرکاری کالجز میں سی سی ٹی وی کیمروں کی تنصیب کے احکامات جاری
کراچی کے سرکاری کالجز میں سکیورٹی بہتر بنانے کے لیے سی سی ٹی وی کیمرے نصب کرنے کے احکامات جاری کیے گئے ہیں۔ اس حوالے سے ڈی جی کالجز کی جانب سے تمام سرکاری کالجز کے پرنسپلز کو باقاعدہ مراسلہ ارسال کیا گیا ہے۔
مراسلے میں ہدایت دی گئی ہے کہ کالجز کے داخلی اور خارجی راستوں سمیت دفاتر میں سی سی ٹی وی کیمرے نصب کیے جائیں تاکہ سکیورٹی کو مزید مؤثر بنایا جا سکے۔ اس اقدام کا مقصد ملازمین، طلبہ، اساتذہ اور سرکاری املاک کا تحفظ یقینی بنانا ہے۔
یہ فیصلہ کالجز کی سکیورٹی کے پیش نظر کیا گیا ہے تاکہ کسی بھی ناخوشگوار واقعے کی روک تھام ممکن ہو سکے اور کالجز کا ماحول محفوظ بنایا جا سکے۔