مودی کی ٹرمپ سے ملاقات سے قبل روس کی بھارت کو جدید جنگی طیارے دینے کی پیشکش

مودی کی ٹرمپ سے ملاقات سے قبل روس کی بھارت کو جدید جنگی طیارے دینے کی پیشکش

روس نے اپنے سابقہ اتحادی بھارت کو جدید ترین جنگی طیارے فراہم کرنے کی پیشکش کر دی ہے۔ یہ طیارے سیہوئی ایس یو-57، پانچویں جنریشن کے اسٹیلتھ فائٹر جیٹ ہیں، جن سے بھارت اپنی فضائی قوت کو مزید مضبوط بنا سکتا ہے۔

غیرملکی خبررساں ادارے کے مطابق روس اور بھارتی حکام نے نئی دہلی میں اس حوالے سے بات چیت کی ہے۔ روس کی یہ پیشکش ایسے وقت میں سامنے آئی ہے جب بھارتی وزیراعظم نریندر مودی امریکہ کے صدر ڈونلڈ ٹرمپ سے ملاقات کے لیے امریکہ جا رہے ہیں۔

روس کے دفاعی ادارے کے ترجمان نے بتایا کہ اگر بھارت اس معاہدے پر راضی ہو جائے تو ایس یو-57 طیاروں کی فراہمی کا عمل اسی سال جلد از جلد شروع کیا جا سکتا ہے۔ تاہم، بھارتی وزارتِ دفاع نے اس معاملے پر کوئی تبصرہ کرنے سے گریز کیا ہے۔

یہ پیشکش بھارت کے لیے اہم سفارتی اور دفاعی فیصلے کی راہ ہموار کر سکتی ہے۔