پاکستانی اداکار کے کرینہ کپور پر تبصرے نے مداحوں کو بھڑکا دیا

پاکستانی اداکار کے کرینہ کپور پر تبصرے نے مداحوں کو بھڑکا دیا

پاکستانی اداکار خاقان شاہنواز کی جانب سے بالی ووڈ سپر اسٹار کرینہ کپور کی عمر سے متعلق کیے گئے تبصرے نے سوشل میڈیا پر ہنگامہ برپا کر دیا، جس پر مداحوں نے شدید ردعمل کا اظہار کیا ہے۔

یہ واقعہ اس وقت پیش آیا جب خاقان شاہنواز نے جیو نیوز کے پروگرام ہنسنا منع ہے میں شرکت کی۔ دورانِ پروگرام، ایک خاتون مداح نے خاقان سے خواہش کا اظہار کیا کہ وہ کرینہ کپور کے ساتھ فلم کریں۔ اس پر میزبان تابش ہاشمی نے مذاق میں کہا کہ خاقان کی شکل کرینہ کپور سے ملتی ہے اور وہ اسی خاندان کے فرد لگتے ہیں۔

خاقان نے مسکراتے ہوئے جواب دیا، "میں تو ان کے بیٹے کا کردار کرسکتا ہوں، کرینہ جی بہت بڑی ہیں، میں ان کا بیٹا بن سکتا ہوں۔"

ان جملوں نے نہ صرف پاکستانی بلکہ بھارتی سوشل میڈیا صارفین کو بھی ناراض کر دیا۔ بہت سے صارفین نے اسے غیرضروری اور نامناسب تبصرہ قرار دیا، اور ان پر تنقید کے تیر برسا دیے۔

بھارتی صارف نریانی جوشی نے لکھا، "کرینہ کا نام لے کر بیچارے کو شہرت مل گئی۔"

ساحل نامی صارف نے کہا، "یہ بھائی سمجھتا ہے کہ اس نے مذاق کیا، لیکن کرینہ کے لیے خاقان جیسا شخص دنیا میں کہیں موجود نہیں۔"

دلراج کور نے تبصرہ کیا، "ہر کسی کی عمر بڑھتی ہے، کوئی ہمیشہ جوان نہیں رہتا۔ ایسی باتیں کرنا بند کریں۔"

ایک اور صارف نے طنزیہ انداز میں کہا، "یہ شخص اب کرینہ کی وجہ سے مشہور ہوگا۔ کرینہ ایک رانی ہیں، اور جو لوگ دوسروں کی عمر پر تبصرہ کرتے ہیں، وہ یاد رکھیں کہ ان کی عمر بھی بڑھے گی۔"

یہ تبصرہ ایک مثال بن گیا کہ کیسے مشہور شخصیات کے بولے گئے الفاظ سوشل میڈیا پر بڑی بحث کا سبب بن سکتے ہیں، اور مداحوں کے جذبات پر گہرا اثر ڈال سکتے ہیں۔