لندن میں صائم ایوب کا پہلا چیک اپ مکمل
خبریںکھیل
لندن میں صائم ایوب کا پہلا چیک اپ مکمل
پاکستانی بیٹر صائم ایوب کا لندن میں ٹخنے کی انجری کے حوالے سے پہلا معائنہ مکمل کرلیا گیا۔ صائم ایوب کو جنوبی افریقہ کے خلاف کیپ ٹاؤن ٹیسٹ کے دوران ٹخنے کی چوٹ لگی تھی، اور ابتدائی رپورٹس میں ان کے ٹخنے میں فریکچر کی تصدیق ہوئی تھی۔
پاکستان کرکٹ بورڈ (پی سی بی) نے صائم ایوب کے علاج کے لیے انہیں لندن بھیجنے کا فیصلہ کیا۔ اظہر محمود کے ہمراہ وہ گزشتہ روز لندن پہنچے، جہاں ٹخنوں کے مسائل کے ماہر ڈاکٹر لکی جیاسیلن نے ان کا پہلا معائنہ کیا۔
پی سی بی کے مطابق، صائم ایوب کا اگلا معائنہ لندن میں کل صبح شیڈول ہے۔ برطانوی ڈاکٹرز کی رپورٹس اور مشوروں کی بنیاد پر صائم کے مزید علاج کا فیصلہ کیا جائے گا۔
چیمپئنز ٹرافی کے عبوری اسکواڈ میں صائم ایوب کی شمولیت بھی ان کے علاج اور بحالی کے عمل پر منحصر ہے، جس کا فیصلہ برطانوی ڈاکٹرز کے مشوروں کے بعد کیا جائے گا۔
Milky Story © 2024
ملکی اسٹوری اگلی نسل کو ایک روشن مستقبل کی تعمیر کے لیے متاثر اور بااختیار بناتی ہے، ہر فرد کے لیے امید اور مواقع کو فروغ دیتی ہے۔
ہمیں اپنی کہانیاں، خبریں، اور وہ سب کچھ بتائیں جو آپ شیئر کرنا چاہتے ہیں۔ ہم آپ کی کہانیاں، خبریں، پوسٹس، اور نظمیں آپ کے نام کے ساتھ شائع کریں گے۔
We care about your data in our privacy policy.