ٹک ٹاکر امشا رحمان کی ویڈیو لیک معاملے پر پہلی بار وضاحت

ٹک ٹاکر امشا رحمان کی ویڈیو لیک معاملے پر پہلی بار وضاحت

پشاور (ویب ڈیسک) سال 2024 میں کئی ٹک ٹاکرز کی نجی زندگی سے متعلق متنازع ویڈیوز وائرل ہوئیں، جن میں ٹک ٹاکر امشا رحمان بھی شامل تھیں۔ اس واقعے نے ان کی نجی اور پیشہ ورانہ زندگی پر گہرا اثر ڈالا۔

امشا رحمان کئی مہینوں تک سوشل میڈیا سے غائب رہیں، لیکن اب وہ واپس آکر اپنی رائے کا اظہار کر رہی ہیں۔ انہوں نے بتایا کہ اس اسکینڈل کے بعد انہیں لوگوں کا سامنا کرنے میں دشواری پیش آئی، تعلیم جاری رکھنے میں مشکلات ہوئیں، اور یہاں تک کہ جان سے مارنے کی دھمکیاں بھی ملیں۔

امشا کا کہنا تھا، "میں نے ویڈیو دیکھی تو لگا جیسے میری ساری زندگی ختم ہوچکی، میں یونیورسٹی نہیں جاسکتی، لوگوں کا سامنا نہیں کرسکتی، مجھے ڈیتھ تھریٹس آنے لگے۔" انہوں نے مزید کہا کہ وہ سوشل میڈیا پر وضاحت دے سکتی تھیں لیکن انہوں نے قانونی راستہ اختیار کیا اور اب مجرم جیل میں ہے۔

امشا نے ایف آئی اے کے ذریعے کارروائی کی، جس کے نتیجے میں جعلی ویڈیو بنانے والے کو گرفتار کر لیا گیا۔

رپورٹس کے مطابق امشا رحمان پہلی متاثرہ نہیں ہیں۔ اس سے پہلے مناہل ملک، کنول آفتاب اور دیگر ٹک ٹاکرز کو بھی اسی قسم کی صورتحال کا سامنا کرنا پڑا، جہاں ان کی ذاتی ویڈیوز بغیر اجازت وائرل کی گئیں، اور بعض پر جعلی ویڈیوز کا الزام بھی لگایا گیا۔

گلگت بلتستان سے تعلق رکھنے والی امشا رحمان ماہی گیری اور طرزِ زندگی پر مبنی منفرد مواد کی وجہ سے مشہور ہوئیں اور وقت کے ساتھ انہوں نے مزید دلچسپ TikTok ویڈیوز بنا کر اپنے فالوورز کی تعداد میں اضافہ کیا۔