ترپتی دمری نے سیم مرچنٹ سے جڑے تعلقات کی خبروں پر ردعمل

ترپتی دمری نے سیم مرچنٹ سے تعلقات کی خبروں پر لب کشائی کر دی

ممبئی: بالی ووڈ کی مشہور اداکارہ ترپتی دمری، جو فلم ’اینیمل‘ کی کامیابی کے بعد شہرت کی بلندیوں پر ہیں، نے سیم مرچنٹ کے ساتھ ڈیٹنگ کی افواہوں پر پہلی بار کھل کر بات کی ہے۔

بھارتی میڈیا کو دیے گئے ایک حالیہ انٹرویو میں ترپتی نے ان افواہوں کو اپنی ذاتی اور پیشہ ورانہ زندگی پر پڑنے والے اثرات کے بارے میں بات کرتے ہوئے کہا، ’’یہ قیاس آرائیاں کبھی کبھی مجھے بہت متاثر کرتی ہیں۔ میں اپنی آزادی کو بے حد اہمیت دیتی ہوں اور ان افواہوں کی وجہ سے اپنی زندگی میں کئی چیلنجز کا سامنا کرتی ہوں۔‘‘

انہوں نے ماضی کے دنوں کو یاد کرتے ہوئے کہا، ’’مجھے وہ وقت یاد آتا ہے جب میں بغیر کسی جھجک یا ماسک کے آزادانہ طور پر گھوم سکتی تھی، لیکن اب یہ ممکن نہیں رہا۔‘‘

ترپتی نے واضح کیا کہ وہ سیم مرچنٹ کے ساتھ تعلقات سے متعلق پھیلنے والی خبروں کے باوجود اپنے کیریئر پر مکمل طور پر فوکس ہیں۔ انہوں نے کہا، ’’میرا کام میری ترجیح ہے، اور میں اپنی پروفیشنل زندگی کے ساتھ مکمل وفاداری نبھاتی ہوں۔‘‘

یہ افواہیں اس وقت زور پکڑیں جب نئے سال کے موقع پر ترپتی اور سیم کو فن لینڈ میں ایک ساتھ چھٹیاں مناتے ہوئے دیکھا گیا۔ لیکن اداکارہ نے ان قیاس آرائیوں کو اپنے کام پر اثر انداز نہیں ہونے دیا اور اپنی پروفیشنلزم کو برقرار رکھنے پر زور دیا۔

ترپتی دمری نے مداحوں کو ایک واضح پیغام دیا کہ وہ اپنی ذاتی زندگی کو منظرعام پر لانے کے بجائے اپنے کام کو فوقیت دیتی ہیں اور ان کے لیے یہی کامیابی کا راستہ ہے۔